MILU CORRECH (Arxentina)

Eu non creo nas meigas, pero habelas hainas, repetía o refraneiro popular…

Este mural forma parte da xa extensa serie de murais e cadros adicada ás bruxas, na que Milu desenrola un imaxinario narrativo propio e enigmático, no que se adiviñan reflexións sobre o que sifnificou e significa ser unha meiga e no que se poñen en cuestión certos resortes e pilares da cultura occidental imperante.

Durante séculos, ser a diferenza, a outredade (con tódalas súas complexidades que as distintas épocas dictaban), significaba practicamente ser unha meiga polo simple feito de ser.
A pouco que te saíras do regho tiñas gañado o San Benito e de agasallo unha cacharela personalizada… Ser crítica, diferente ou sabia outorgábanche entrada VIP no altar de lume. Xa non falemos se, coma nesta suxerente imaxe que nos brinda a artista arxentina, a cuestión do xénero e a súa expresión entraba en xogo para rebentarlle os oxidados miolos ao corpo represor de turno. Ufff. aí xa… Ainda quedan moitos miolos que abrir a día de hoxe…