JUAN RIVAS

📍📍📍📍📍 Durante o festival Juan estivo movéndose por toda a vila buscando as localizacións máis suculentas para deixar a súa impresionista impronta.
📍📍📍📍📍 Realizou un total de 10 intervencións en postes e farolas que podedes ver e xeolocalizar facilmente na sección MAP
👇👇
Rivas realiza intervencións a pequena escala, nun xogo que confronta coa monumentalidade do mural e no que integra sutilmente as súas intervencións no propio entorno cun especial interese polas zonas entre a cidade e a aldea.
A súa pintura é unha aproximación á paisaxe, centrándose na natureza e a arquitectura coa intención de explorar a maleabilidade do rural e a súa relación co medio urbano.
As súas pezas xogan coas dobres visións, realizando pinturas sobre mobiliario urbano (farolas, postes, sinais, etc) de xeito que no resultado final podemos admirar a obra e a realidade pintada a un tempo, actuando este mobiliario como lenzo.
A súa técnica, con claras influencias impresionistas, combina debuxo rápido con materiais efémeros como xiz, rotuladores, pastel ou pintura acrílica. O proceso invírtese respecto ao tradicional: primeiro pinta a paisaxe e logo toma a fotografía, buscando tamén captar a textura do soporte e a luz do momento.

+info:
https://www.instagram.com/juanrivasfdz/