PAOLA DELFÍN (México)

“MENSAXE DO MAR"
Mural de @paola_delfin, Ordes (Galiza). Agosto, 2024.
17ª edición do @desordescreativas festival.

O mural da artista mexicana PAOLA DELFÍN para esta 17ª edición do DesOrdes, rinde unha fermosa e necesaria homenaxe á figura de Maruxa Mallo, unha das artistas primixenias do movimento surrealista e figura esencial das vangardas pictóricas do século pasado.

A “Sen sombreiro”, a “Muller das 20 ialmas”, personaxe revolucionaria en moitos sentidos e que, como moitxs outrxs cando os fascistas se levantaron en armas, tivo que exiliarse da súa terra para salvar a vida e perseguir a liberdade, non só ideolóxica senon tamén persoal, nunha época onde a representación feminina na sociedade, a arte e a cultura sempre estaban reprimidas.
Ela, xunto con outras mulleres, rachou esquemas e non tivo medo aos prexuízos que a rodeaban, adicando a súa vida á arte e a crear obras que desafiaban o politicamente correcto cun estilo único e poderoso, a miúdo lembrando a súa terra (Galiza) e facéndoa parte da súa obra.

Esta recreación da súa mítica obra “MENSAXE DO MAR” serve como veneración, amor e respecto por parte de Paola Delfín, que namorou da súa peculiar figura ao coñecer a magnitude da súa persoa e obra. Serve tamén como lembranza ao seu grande legado, así como ao de todas as mulleres artistas e creadoras que loitaron por un espazo visible nun mundo que non lles resultaba doado brillar coa luz que realmente irradiaban… Máis a pesar disto, non se detiveron e continuaron a crear con valentía e dignidade, abríndolles o camiño ás que lles seguiron para seguir procurando o equilibrio ata atopar a verdade.

Grazas Maruxa, “metade anxo, metade marisco”, por existir…
E grazas Paola, por atopar a inspiración nela e agasallarnos a túa maxia con esta obra tan magnífica, xusta e necesaria.

👁️ @mutantecreativo (Comisariado)